ალექსანდრე ბარბაქაძე 37 წელია სსიპ ეროვნული სატყეო სააგენტოს შიდა ქართლის რეგიონალურ სამსახურში მუშაობს, თუმცა, პროფესიული განვითარებისათვის კოლეჯი “ქართლის” პროფესიული მომზადების პროგრამაზე #ხე_ტყის_დამზადებისა_და_ტყის_დაცვის_სამუშაოები სწავლა გადაწყვიტა და დღეს უკვე დარგის #სერთიფიცირებული სპეციალისტია.
ალექსანდრეს მაგალითი ნათლად უსვამს ხაზს #პროფესიული_განათლების მნიშვნელობას და მუდმივი განვითარების აუცილებლობას. არჩეული პროგრამა მას დაეხმარა მეტი #თანამედროვე ცოდნისა და პრაქტიკული უნარების ათვისებაში, რაც უშუალოდ, უმოკლეს დროში წარმატებით აისახა მის ყოველდღიურ საქმიანობაზე და მუშაობის ხარისხზე.
გთავაზობთ #ინტერვიუს ალექსანდრესთან:
ალექსანდრე, რატომ #გადაწყვიტეთ სახელმწიფო პროფესიულ კოლეჯ “ქართლში” სატყეო მიმართულების პროგრამაზე სწავლა, მით უმეტეს, რომ უკვე მუშაობდით ამ სფეროში?
– თითქმის ოთხი ათეული წლის სამუშაო გამოცდილება სატყეო სამსახურში საკმაოდ დიდია და ამ დროს ბევრი რამ ვისწავლე პრაქტიკულად. თუმცა ცვლილებები ტყის მართვის სფეროში მუდმივად ხდება — შემოდის ახალი ტექნოლოგიები, საქმიანობის ახალი მეთოდები და რეგულაციური მოთხოვნები. #სტაბილური_დასაქმებისა და #წინსვლისათვის სიახლეებს მუდმივად ფეხის აწყობა ჭირდება. შესაბამისად გადავწყვიტე, რომ ჩემი ცოდნის განახლება და გაღრმავება აუცილებელი იყო. კოლეჯის მიერ შემოთავაზებული პროგრამა სწორედ ის იყო, რომელიც გააძლიერებდა ჩემს პროფესიულ #კომპეტენციას და მომცემდა საშუალებას, უფრო მეტად #ეფექტიანი ვყოფილიყავი სამსახურში.
როგორ დაგეხმარათ აღნიშნული #პროგრამა პროფესიული თეორიული ცოდნის გაღრმავებაში და ახალი პრაქტიკული უნარების გამომუშავებაში?
– კოლეჯში სწავლისას მივიღე როგორც დეტალური, თანამედროვე #თეორიული ცოდნა, ისე საჭირო #პრაქტიკული გამოცდილება. მაგალითად, შესწავლილი ტყის დანომვრა თანამედროვე ტექნოლოგიებით უკვე ხელს მიწყობს ყოველდღიურ საქმიანობაში. შევისწავლეთ ასევე ტყის დაცვის გეგმების შედგენა, რაც ძალიან მნიშვნელოვანია როგორც ტყის მართვის, ასევე ეკოლოგიური ბალანსის შენარჩუნებისთვის.
რამდენად მოსახერხებელი და ეფექტური აღმოჩნდა თქვენთვის #სწავლების ფორმატი და გარემო კოლეჯში”?
– ჩემი ძირითადი სამსახურის პარალელურად სწავლა ადვილი არ არის, მაგრამ კოლეჯის ადმინისტრაციის მიერ სასწავლო პროცესის #ორგანიზება ძალიან მოქნილი იყო მსმენელების სამუშაო განრიგის გათვალისწინებით. წარმატებით შედგა როგორც პრაქტიკული მეცადინეობები, ისე თეორიული ლექციები ჩვენი ჯგუფის #მასწავლებლების, მეტყევეობის სფეროს მაღალკვალიფიციური წარმომადგენლების – ვლადიმერ სილაგაძის და ივანე გამცემლიძის პროფესიული ძალისხმევით. მათ მიერ საკუთარი ცოდნისა და პრაქტიკული გამოცდილების გაზიარება სწავლას უფრო საინტერესოს და შედეგიანს ხდიდა.
სწავლების პროცესში რა გაძლევდათ ყველაზე მეტ #მოტივაციას და როგორ გრძნობდით საკუთარ განვითარებას?
– მოტივაციას მიქმნიდა ის მოცემულობა, რომ ყოველ გაკვეთილზე ვეცნობოდი ახალ და საჭირო ინფორმაციას, რომელსაც სამსახურში პირდაპირ ვიყენებდი. განსაკუთრებით ცხადი იყო პროგრესი პრაქტიკულ დავალებებზე — მაგალითად, ტყის დანომრების ტექნიკის გაუმჯობესება, რომელიც ჩემთვის ადრე გამოწვევას წარმოადგენდა, ახლა კი უფრო მარტივად და ზუსტად შემიძლია.
როგორ ფიქრობთ, რამდენად კარგად ამზადებს ასეთი პროგრამა კურსდამთავრებულს #რეალური_სამუშაოსთვის სატყეო სამსახურში და რას ურჩევდით მათ, ვინც ასეთ პროგრამაზე სწავლას აპირებს?
– პროგრამა მაღალპროფესიონალურად და პრაქტიკაზე ორიენტირებით არის შედგენილი, რაც კარგად პასუხობს დარგში დღეს არსებულ სამუშაო მოთხოვნებს. პროგრამის სიძლიერე განაპირობა ასევე კოლეჯის #პარტნიორობამ ეროვნულ სატყეო სააგენტოსთან, რომლის ადგილობრივ ტერიტორიებზე ხდებოდა
პროგრამის მსმენელთა პრაქტიკული სწავლებები. ვისურვებდი და ვურჩევდი, რომ მეტმა ადამიანმა გამოიყენოს პროფესიულ კოლეჯში სწავლის შესაძლებლობა, რადგან პიროვნული განვითარების გარდა, ფორმალური განათლების მიღება აუცილებლად აამაღლებს ნებისმიერი სამსახურის მთლიან ეფექტიანობას – იქნება ეს სახელმწიფო სამსახური თუ კერძო ბიზნესი ხე-ტყის დამზადების მიმართულებით.
30.06.2025
