გიგა ბირკაძემ ხაშურის მუნიციპალიტეტისათვის ერთ-ერთი ყველაზე მეტად საჭირო, დეფიციტური, მომავალი პროფესია აირჩია და კოლეჯ “ქართლში” #სანტექნიკური_სამუშაოების პროფესიული მომზადების პროგრამაზე ისწავლა.
გიგა თვლის, რომ #სწორი_არჩევანი გააკეთა – მისი მოლოდინები გამართლდა: პროფესიული განათლების მიღება კოლეჯში აღმოჩნდა მისთვის საშუალება, რითაც ინტერესს რეალურ საქმიანობად აქცევს.
გთავაზობთ #ინტერვიუს გიგასთან:
გიგა, რატომ #გადაწყვიტეთ პროფესიული განათლების მიღება და რა იყო მთავარი მიზეზი, რის გამოც სახელმწიფო პროფესიული კოლეჯი „ქართლი“ აირჩიეთ?
– ყოველთვის მიზიდავდა #სახელობო საქმიანობა – ისეთი, სადაც შედეგს შენი ხელით ქმნი ან საკუთარი ძალებით აგვარებ პრობლემებს. მინდოდა ისეთი პროფესია ამერჩია, რომელიც რეალური პრაქტიკით დამაინტერესებდა და მომავალში შემოსავლიან საქმიანობასაც განაპირობებდა. ბევრი ვარიანტი განვიხილე, მაგრამ კოლეჯი „ქართლი“ იმით მომეწონა, რომ ჩვენს ქალაქში გაიხსნა და აქ მხოლოდ თეორიაზე არ აკეთებდნენ აქცენტს – სწავლების მეთოდი მთლიანად პრაქტიკაზეა იყო აგებული.
კონკრეტულად #სანტექნიკური_სამუშაოების მიმართულება როგორ გახდა თქვენი ინტერესის საგანი?
– სანტექნიკური სისტემები ჩვენს ყოველდღიურ ცხოვრებაში ფუნდამენტური აუცილებლობაა როგორც საოჯახო, ისე საზოგადოებრივ დაწესებულებებში და, შესაბამისად, სანტექნიკოსის საქმე #ყოველთვის_მოთხოვნადია, ზუსტად იმ ინტერესებს ეხმიანება, რაც ყოველთვის მქონდა – პრაქტიკული და ძალიან საჭირო.
როგორ წარიმართა #სწავლის_პროცესი – რა ტიპის ცოდნა და უნარები მიიღეთ?
– პროგრამა შედეგზე ორიენტირებული იყო: სწავლება თეორიული და პრაქტიკული ნაწილებისგან შედგებოდა, თუმცა, პრაქტიკას გაცილებით მეტი დრო ეთმობოდა. #შევისწავლეთ შიდა სანტექნიკური სამუშაოების შესრულების ტექნიკები: გარე წყალსადენი ქსელიდან შენობაში შემყვანი მილის მოწყობა და ქსელთან დაერთება, შიდა წყალმომარაგების სისტემის დაკვალვის სამუშაოების შესრულება, მილსადენის შიდა ქსელის მონტაჟი, შიდა წყალარინების ქსელში დგარების, სარინი და გამომყვანი მილებისა და საწმენდი რევიზიის მოწყობა, წყალჩადინების ქსელის და სხვადასხვა სანტექნიკური მოწყობილობების მონტაჟი, უსაფრთხოების წესები… ჩვენი ჯგუფის #მასწავლებელი – მამუკა ხოსრუაშვილი მაღლი პროფესიონალიზმით და გულისხმიერებით, მეგობრულ გარემოში გვასწავლიდა და რთულ საკითხებსაც მარტივად გვიხსნიდა. ეს გამოცდილება ჩემთვის ძალიან დასამახსოვრებელი და მნიშვნელოვანია.
რას მიიჩნევთ ამ #პროგრამის ყველაზე ძლიერ მხარედ? რა მოგცათ ყველაზე მნიშვნელოვანი – როგორც პროფესიულად, ისე პიროვნულად?
– პროგრამის მთავარი უპირატესობა, სწორედ მისი #პრაქტიკულობაა. რაც ვისწავლე, დღეს უკვე შემიძლია დამოუკიდებლად გამოვიყენო. პროფესიულად #თავდაჯერებულობა მომემატა – ახლა ვიცი, რომ შემიძლია საბაზისო სანტექნიკური სამუშაოების შესრულება არა სამოყვარულო დონეზე, არამედ #პროფესიონალურად. პიროვნულად კი, #პასუხისმგებლობის გრძნობა გამიძლიერდა და ურთიერთობებშიც უფრო კომუნიკაბელური გავხდი – რაც დიდწილად კოლეჯში არსებულ მეგობრული გარემოს დამსახურებაა.
როგორ გეგმავთ მიღებული #ცოდნის გამოყენებას მომავალში? არის თუ არა უკვე გარკვეული მიმართულება, სადაც მუშაობას აპირებთ ან გააგრძელებთ სწავლას?
– უკვე მქონდა შემთხვევები, როცა კოლეჯში მიღებული #ცოდნა_პრაქტიკულად_გამოვიყენე როგორც ჩემს სახლში, ასევე კერძო შეკვეთებზე. პროფესიული განათლების მიღების ერთ-ერთი მნიშვნელოვანი უპირატესობა იყო სახელმწიფო #სერთიფიკატით სწავლის დადასტურება. მინდა ეს გამოცდილება ეტაპობრივად გავზარდო და მომავალში საკუთარი პროფესიული საქმიანობაც დავიწყო – ვგეგმავ კიდევ უფრო დავხვეწო ჩემი უნარები, რომ უფრო მრავალფეროვანი სერვისები შევთავაზო კლიენტებს და პროფესიონალი გავხდე იმ სფეროში, რაც ნამდვილად მომწონს.
16.06.2025
