ოთხი შვილის დედა – სოფიკო კიკნაძე
#მრავალშვილიანობა საკმაოდ დიდი პასუხისმგებლობაა, თუმცა, სოფიკო კიკნაძისთვის ეს მდგომარეობა არც საზღვრად ქცეულა და არც დაბრკოლებად: მიუხედავად ყოველდღიური დატვირთული რეჟიმისა, საკუთარ თავში იპოვა ძალა დაესახა ახალი მიზნები. დედობა იყო ის #მოტივაცია, რამაც ახალი პროფესიის დაუფლებისაკენ უბიძგა. კოლეჯ „ქართლში“ გამოცხადებული პირველი მიღება #კომპიუტერის_ქსელური_და_პროგრამული მხარდაჭერის პროფესიული მომზადების პროგრამაზე მორიგ გამოწვევად მიიღო და, ბევრი სირთულის მიუხედავად, დღეს უკვე #სერტიფიცირებული სპეციალისტია.
გთავაზობთ ინტერვიუს ჩვენს კურსდამთავრებულთან:
სოფიკო, რატომ გააკეთე #არჩევანი ხაშურის მუნიციპალიტეტში ახლადგახსნილ კოლეჯ „ქართლზე“? როგორი იყო შენი მოლოდინები და როგორ გამართლდა?
– კოლეჯის შესახებ ძალიან მცირე ინფორმაცია მქონდა – ბუნებრვია, რადგან პირველ მსმენელებს იღებდა. თუმცა, “კომპიუტერის ქსელური და პროგრამული მხარდაჭერის” პროგრამა ძალიან #საინტერესო იყო ჩემთვის და დავრეგისტრირდი მსმენელად. პირველივე დღეს სასიამოვნოდ გაოცებული დავრჩი: სასწავლო აუდიტორიები, მთლიანი ინფრასტრუქტურა, მასწავლებელი – ჩემს მოლოდინებს აჭარბებდა. ვფიქრობდი, რომ მხოლოდ თეორიულ ცოდნას მივიღებდი, აღმოჩნდა, რომ თეორიულ მასალას დიდი პრაქტიკული გაგრძელება ჰქონდა.
როგორ შეაფასებდი კოლეჯში მიღებულ #ცოდნასა და გამოცდილებას?
– მიუხედავად იმისა, რომ პროგრამა მოკლევადიანი იყო და 4 თვეს მოიცავდა, ძალიან საინტერესო და ინფორმატიული იყო და, ვფიქრობ, სრულად საკმარისი იყო ეს დრო როგორც თეორიული, ისე პრაქტიკული სწავლებისთვის: ჩვენი პროგრამის ყველა კურსდამთავრებული მზად ვართ #დამოუკიდებლად_მუშაობისთვის.
რას გვეტყვით იმ #მეთოდებზე და მიდგომებზე, რომლებიც გამოიყენებოდა სასწავლო პროცესში?
– არ შემიძლია, არ აღვნიშნო ჩვენი #მასწავლებლის – ბატონ დავით პეტუაშვილის მაღალი პროფესიონალიზმი, მისი დარგობრივი საუკეთესო გამოცდილება და პროგრამის თითოეულ #მსმენელზე_ორიენტირებულობა. პროგრამით გათვალისწინებული სასწავლო მასალის სიღრმისეულად ახსნის გარდა, ყოველთვის ცდილობდა დამატებით ცოდნა მოეცა ჩვენთვის, რაც ძალიან დიდ მოტივაციას გვაძლევდა. ძალიან კომფორტული იყო მასთან ურთიერთობა.
როგორ მოახერხეთ სწავლის #შეთავსება ოჯახურ პასუხისმგებლობებთან, რა როლი შეასრულა ამაში კოლეჯის მიდგომამ?
– მიუხედავად იმისა, რომ ოთხი შვილის დედა ვარ და ჩემი საქმეც მაქვს, რაც შეიძლება ძალიან დიდი დაბრკოლება ყოფილიყო ჩემთვის, სასწავლო პროცესი არ ყოფილა ჩემთვის რთული, რადგან #მხარდაჭერა მქონდა, როგორც კოლეჯის ადმინისტრაციის, ისე მასწავლებლის მხრიდან. ზოგჯერ ჩემს პატარა შვილებთან ერთად ვესწრებოდი სასწავლო პროცესს – მე ვსწავლობდი, ისინი ხატავდნენ… მინდა დიდი მადლიერება გამოვხატო კოლეჯი „ქართლის“ ადმინისტრაციის მიმართ – მათი განსაკუთრებული თანადგომით, დღეს მე ჩემი #საოცნებო_პროფესიის სერტიფიცირებული კურსდამთავრებული ვარ.
რას ურჩევდით სხვა #ქალბატონებს, განსაკუთრებით მრავალშვილიან დედებს, ვინც პროფესიული განათლების მიღებაზე ფიქრობს?
– მინდა გითხრათ, რომ თქვენი შვილებია ის ძალა და მოტივაცია, რომელიც ყველა შიშს გადაგალახინებთ. დაისახეთ ახალი მიზანი #უკეთესი_მომავლისათვის, მით უმეტეს, რომ ჩვენს ქალაქში მოგვეცა შესაძლებლობა განვითარების – ახალი, თანამედროვე, მოთხოვნადი პროფესიების მიღების. არ არსებობს წინაღობა, რომლის გარღვევაც ჩვენ, ქალებს არ შეგვიძლია!
19.05.2025
