ონისე ქიმერიძემ ავტომობილებისადმი ინტერესით კოლეჯი “ქართლის“ პროფესიული მომზადების პროგრამა #საავტომობილო_შიგაწვის_ძრავების_კვების_სისტემის_სერვისი აირჩია და დღეს უკვე #სერტიფიცირებული სპეციალისტია.
ონისემ თავისი არჩევანით დაამტკიცა, რომ პროფესიული განათლება მისთვის შესაძლებლობების რეალიზებასთან, დასაქმება-თვითდასაქმებასთან და #სტაბილურ_მომავალთან რეალურადაა დაკავშირებული: იგი სტაჟირებას გადის ერთ-ერთ ავტოსერვისის სახელოსნოში, დასაქმების პერსპექტივით.
გთავაზობთ #ინტერვიუს ონისესთან:
ონისე, რა იყო თქვენი მთავარი #მოტივაცია სახელმწიფო პროფესიულ კოლეჯ “ქართლში” ავტოსერვისის მიმართულების პროგრამაზე სწავლის გადაწყვეტილების მიღებისას?
– ბავშვობიდანვე მქონდა #ინტერესი ავტომობილების მიმართ, თუმცა, კოლეჯში სწავლის არჩევანი უკვე გაცნობიერებულად, შრომის ბაზრის მოთხოვნებზე და ჩემი უნარების პრაქტიკულად განვითარებაზე ორიენტირებული გადაწყვეტილება იყო.
როგორ შეძელით თეორიული #ცოდნის პრაქტიკულ უნარებად გარდაქმნა ამ მოკლევადიანი პროგრამის ფარგლებში?
– #პროგრამის სტრუქტურა იმდენად კარგად იყო აწყობილი, რომ თეორიული ცოდნა ყოველდღიურად ინტეგრირდებოდა პრაქტიკულ სამუშაოში. სასწავლო #პრაქტიკის პროცესში ვიყენებდით რეალურ საავტომობილო ძრავებსა და სხვადასხვა დეტალებს, რაც გვაძლევდა შესაძლებლობას განმტკიცებულიყო დარგობრივი ცოდნა და ჩამოგვეყალიბებინა პრაქტიკული პროფესიული უნარ-ჩვევები. ჩვენი ჯგუფის მაღალკვალიფიციური #მასწავლებლების – ვლადიმერ ფიდორიშჩენკოსა და დავით ხაჩიძის მხარდაჭერამ პროგრამის მასალების სათანადოდ ათვისებაში და მათმა ინდივიდუალურმა მიდგომებმა დიდი როლი შეასრულეს ჩემი და ჩემი ჯგუფელების პროფესიულ განვითარებაში.
რა იყო თქვენთვის ყველაზე მოულოდნელი ან #არასტანდარტული_მიდგომა, რომელსაც კოლეჯში სწავლისას შეხვდით?
– განსაკუთრებით დამამახსოვრდა მასწავლებელთა ეს მიდგომა: გვაძლევდნენ საშუალებას #დამოუკიდებლად მიგვეღო გადაწყვეტილებები კონკრეტული ტექნიკური პრობლემების მოსაგვარებლად. ამით გვიჩენდნენ მეტ #პასუხისმგებლობას, გვაჩვევდნენ #სწრაფ_რეაგირებასა და #გუნდურ_მუშაობას, რაც თანამედროვე სამუშაო ბაზარზე ერთ-ერთი ყველაზე მნიშვნელოვანი კომპეტენციაა.
რამდენად ხედავთ #მომავალში თქვენს თავს ამ დარგში?
– ჩემი თავი სრულად წარმომიდგენია ამ სფეროში. კოლეჯში მიღებულმა ცოდნამ და გამოცდილებამ დამარწმუნა, რომ სწორ გზაზე ვარ. უკვე დამოუკიდებლად შემიძლია რეალურ სამუშაო გარემოში საავტომობილო ძრავის შეკეთება და სხვადასხვა ავტო-სერვისის შესრულება.
რას გეგმავთ #პროფესიული_განვითარებისთვის და რას ურჩევდით მათ, ვისაც კოლეჯ “ქართლში” იგივე პროგრამაზე სწავლა სურს?
– რა თქმა უნდა, ვგეგმავ პროფესიულ ზრდას – როგორც თეორიული ცოდნის გაღრმავებას და გამრავალფეროვნებას, ისე პრაქტიკული უნარების განვითარებას. ვფიქრობ, რომ სწავლის პროცესი #უწყვეტი უნდა იყოს, განსაკუთრებით ტექნიკურ დარგებში, რომელიც თავისთავად სწრაფად ვითარდება და ფეხის აწყობა ჭირდება. მათ კი, ვინც დაინტერესებულია ამ სფეროთი, ვურჩევდი – თუ რეალურად გსურთ პროფესიის შესწავლა და არა მხოლოდ თეორიული ინფორმაციის მიღება, კოლეჯი “ქართლი” #იდეალური_გარემოა პროფესიული განვითარების დასაწყებად.
25.06.2025
