ხაშურის მუნიციპალიტეტში ტრადიციული დღესასწაული – „ხაშურქალაქობა“ გაიმართა, რომელსაც სსიპ კოლეჯი „ქართლი“ დიდი სიამოვნებით შეუერთდა.
დღესასწაულზე სტუმრებს შესაძლებლობა ჰქონდათ, გაცნობოდნენ პროფესიული განათლების შესაძლებლობებს, ჩვენს პროგრამებსა და კოლეჯის საქმიანობას.
განსაკუთრებული ინტერესით წარიმართა სახალისო ქვიზი, რომელშიც სტუმრები აქტიურად ჩაერთნენ. გამარჯვებულებსა და მონაწილეებს კი კოლეჯისგან სამახსოვრო საჩუქრები გადაეცათ. 
მადლობა ადგილობრივ თვითმმართველობის ორგანოებს შესაძლებლობისთვის, ორგანიზატორებს და თითოეულ სტუმარს მონაწილეობისთვის, აქტიურობისთვის და ამ ლამაზი დღის ჩვენთან ერთად გაზიარებისთვის! 
